Siyahıya Real Madridlə Atletikonun hərəyə 6 oyunçusu düşüb
Futbol üzrə Çempionlar Liqasında 2015-2016 mövsümünün simvolik yığması açıqlanıb. “Report”un UEFA-nın rəsmi saytına istinadən verdiyi məlumata görə, 18 nəfərlik siyahıya finada üz-üz gəlmiş İspaniyanın “Real Madrid” və “Atletiko” komandalarının hərəyə 6 oyunçusunun adı salınıb.
Qapıçılar: Yan Oblak (“Atletiko”), Manuel Noyer (“Bavariya”);
Müdafiəçilər: Dieqo Qodin, Xuanfran (hər ikisi “Atletiko”), Serxio Ramos, Marselo (hər ikisi “Real Madrid”), Tiaqo Silva (PSJ);
Yarımmüdafiəçilər: Qabi, Koke (“Atletiko”), Toni Kroos, Luka Modriç (hər ikisi “Real Madrid”), Andres İnyesta (“Barselona”);
Hücumçular: Luis Suares, Lionel Messi (hər ikisi “Barselona”), Qaret Beyl, Kriştianu Ronaldu (“Real Madrid”), Robert Levandovski (“Bavariya”), Antuan Qrizmann (“Atletiko”).
Qeyd edək ki, “Real Madrid” əsas vaxtı 1:1 hesablı heç-heçə ilə nəticələnən Çempionlar Liqasının final matçında “Atletiko”nu penaltilər seriyasında yenib – 5:3. Bununla da “kral klubu” 11-ci dəfə kuboku qazanıb.
pia.az