2022-ci ildə bir neçə polis əməkdaşı vəfat edib. Onların bəziləri ehtiyatsızlıqdan dünyasını dəyişib, digərləri isə intihar edib.
PİA.az "Unikal"-a istiandən bu il vəfat edən polislərin siyahısını təqdim edir:
.png)
Yanvar ayının 8-də “Azərbaycan Televiziya və Radio Verilişləri” QSC-nin Mühafizə Şöbəsinin əməkdaşı, polis kiçik serjantı Yasin İnqilabzadə xidmət zamanı ona təhkim olunmuş silahla ehtiyatsız davranması nəticəsində atəş açılıb. Nəticədə Y.İnqilabzadə hadisə yerində dünyasını dəyişib.
Aprel ayının 22-də isə polis əməkdaşının iştirakı ilə dəhşətli hadisə baş verib. Belə ki, paytaxtın Nərimanov rayonu ərazisindəki evlərin birində Xəzər Rayon Polis İdarəsinin əməkdaşı Tural Aslanov qısqanclıq zəminində nişanlısı Günay Cabbarovanı qətlə yetirdikdən sonra özü də intihar edib.
Mayın 13-də Füzuli Rayon Polis Şöbəsinin Dövlət Yol Polisi Bölməsinin baş inspektoru, baş leytenant İlkin Qasımov yaşadığı Horadiz qəsəbəsindəki evdə ona təhkim olunmuş xidməti silahla ehtiyatsız davranması nəticəsində açılan atəşdən ölüb.
İyun ayının 1-də Abşeron Rayon Mühafizə İdarəsinin polis nəfəri İntiqam Çıraqov təlimə getdiyi vaxt 99-SM-907 dövlət nömrə nişanlı, “NİVA” markalı maşının içində baş verib. Hadisə şahidlərinin sözlərinə görə, güllə onun baş nahiyəsindən dəyib. DİN-in hospitalına çatdırılan polisin həyatını xilas etmək mümkün olmayıb.
İyunun 20-də səhər saat 06 radələrində Səbail Rayon Polis İdarəsinin əməkdaşı Elçin Qurbanov gecə növbəsində xidmətdə olarkən tabel silahı ilə ehtiyatsız davrandığından açılmış atəş nəticəsində xəsarət alıb. O, dərhal xəstəxanaya çatdırılaraq həkimlərin nəzarətinə verilib.
Ötən gün isə Sumqayıt şəhər Polis İdarəsinin 2-ci polis bölməsinin sabiq əməkdaşı, polis serjantı, 1996-cı il təvəllüdlü Fuad Ağayev Şəhidlər xiyabanı ərazisindəki ağacdan özünü asıb. Ərazidəki sakinlər onun asılmış meyitini aşkar edərək hüquq-mühafizə orqanlarına məlumat verib.
pia.az
Digərxəbərlər
Populyar xəbərlər
