ABŞ Dövlət Katibi Entoni Blinken 2023-cü il noyabrın 2-dən 10-dək İsrail, İordaniya, Yaponiya, Cənubi Koreya və Hindistana səfər edəcək...
Poliqon xəbər verir ki, bu barədə Dövlət Departamentinin məlumatında deyilir. Məlumata görə Təl-Əvivdə Blinken “Beynəlxalq humanitar hüquqa uyğun olaraq İsrailin özünü terrordan müdafiə etmək hüququna ABŞ dəstəyini ifadə etməyi” və HƏMAS hərəkatı tərəfindən tutulan girovların azad edilməsi üzrə tədbirləri müzakirə etməyi planlaşdırır. Bundan sonra İordaniyada Blinken Qəzzada zorakılığa son qoyma mexanizmlərini və bölgədəki gərginliyi azaltmaq üçün tədbirləri müzakirə edəcək.
Blinken Tokio, Seul və Yeni Dehlidə Hind-Sakit okean regionunda təhlükəsizlik məsələlərini qaldıracaq. Bundan əlavə, bu səfər çərçivəsində ABŞ Dövlət Katibi G7 (Böyük Yeddilik) ölkələrinin xarici işlər nazirlərinin ikinci görüşündə iştirak etmək niyyətindədir.
Qeyd edək ki, bu, Təl-Əvivin Fələstinin radikal HƏMAS hərəkatı ilə müharibəsinin başlamasından bəri Dövlət Departamenti rəhbərinin İsrailə ikinci səfəri olacaq.
Poliqon.info