ABŞ prezidenti Co Bayden İsrailin baş naziri Binyamin Netanyahu ilə telefon danışığı aparıb...
Poliqon xəbər verir ki, bu barədə Ağ Ev məlumat yayıb. Məlumata görə, liderlər digər məsələlərlə yanaşı, Fələstinin HƏMAS-ın əlində olan girovlarının azad edilməsi səylərini və Qəzza zolağında humanitar vəziyyəti müzakirə ediblər.
“Prezident Qəzzadakı mülki şəxslərə humanitar yardımın davamlı şəkildə çatdırılmasına ABŞ-ın davamlı dəstəyini müzakirə edib və yaxın gələcəkdə bu dəstəyin artırılması səylərini alqışlayıb”, deyə Ağ Evdən bildiriblər.
Co Bayden beynəlxalq hüquq çərçivəsində İsrailin özünümüdafiə hüququna da işarə edib. Tərəflər hərbi əməliyyatlar başa çatdıqdan sonra problemin həlli, o cümlədən israillilərlə fələstinlilər arasında davamlı sülhün əldə edilməsi məsələlərini də müzakirə ediblər.
Poliqon.info