Əfsanəvi futbolçu Aleks de Souza yeni klubla müqavilə imzalayıb..
PİA.az xəbər verir ki, “Fənərbağça”nın əfsanəvi simaları arasında yer alan və futbol karyerasını bitirdikdən sonra məşqçi kimi fəaliyyətə başlayan braziliyalı oyunçu Aleks de Souzanın yeni klubu bəlli olub.
Məşqçilik karyerasına “Sao Paulo B” komandasında başlayan Aleks de Souza “Universidade Futebol”da idarəçilik kursu keçmiş və “CBF” Akademiyasından Pro A və Pro B lisenziyalarını aldıqdan sonra yeni komandasına imza atıb.
Braziliya A seriyasından B seriyasına düşmüş “Avai” Aleks de Souza ilə 2023-cü il mövsümü üçün razılaşma əldə etdiklərini açıqlayıb. Aleks de Souzanın yeni klub köməkçiləri PC de Oliveyra və Joao Paulo Kavalkantidir. İmzalanma mərasimi noyabrın 22-də keçiriləcək.
Yeni komandası ilə müqavilə imzaladıqdan sonra Aleks De Souza açıqlama veribi “Avai mənə texniki direktor kimi işə başlamaq şansı verdi. Avai klubuna təşəkkür edirəm və ən yaxşı qarşılıq vermək üçün çox çalışıb özümü bu kluba həsr edəcəyəm”.
pia.az