Məşhur amerikalı aktyor Al Paçino 83 yaşında ata olub...
Poliqon xəbər verir ki, bu barədə TMZ nəşri məlumat yayıb. Nəşr yazır ki, aktyorun Küveyt kökənli prodüser sevgilisi 29 yaşlı Nur Alfalla bir oğlan uşağı dünyaya gətirib və uşağa Roman Paçino adı verilib.
Uşağın doğulması ilə bağlı məlumatı Al Paçinonun mətbuat nümayandəsi Sten Rozenfild də təsdiqləyib. Bu, Paçinonun dördüncü övladıdır və Alfallanla ilk övladıdır.
Al Paçino və Nur Alfalla arasındakı romantik münasibət 2022-ci ilin aprelində başlayıb. TMZ yazır ki, Paçino üçün sevgilisinin hamiləliyi xəbəri şok olub. Nəşr qeyd edir ki, aktyor artıq ata ola bilməyəcəyinə inanırdı və dünyaya dördüncü övlad gətirməyi planlaşdırmırdı.
Nur Alfalla Al Paçinodan əvvəl Mik Caqqerlə (indi 79 yaşı var) birlikdə olub. Daha əvvəl Alfalla həmçinin Clint Eastwoodla (93 yaşı var) romantik şam yeməyində görüntülənib.
Poliqon.info