Ağ Ev və Dövlət Departamentinin nümayəndələri Ukraynanın təkidi ilə Rusiyanın hərbi əməliyyatını pisləməyən “Qlobal Cənub” ölkələrinin nümayəndələri ilə görüşəcək...
ABŞ prezidentinin milli təhlükəsizlik üzrə köməkçisi Ceyk Sallivan və ABŞ dövlət katibinin siyasi məsələlər üzrə müavini Viktoriya Nuland Ukraynanın təkidi ilə Rusiyanın hərbi əməliyyatını pisləməyən “Qlobal Cənub” ölkələrinin nümayəndələri ilə görüşəcək.
Poliqon xəbər verir ki, bu barədə Financial Times nəşri mənbələrə istinadən məlumat yayıb.
FT yazır ki, toplantı iyunun 24-25-də Kopenhagendə keçiriləcək. Braziliya, Hindistan, Çin, Türkiyə, Cənubi Afrika Respublikası və bir sıra digər dövlətlərin nümayəndələri görüşə dəvət alıblar. Toplantıda həmçinin Ukrayna və Avropa İttifaqı nümayəndələri də iştirak edəcək və onlar birlikdə “Qlobal Cənub” ölkələrindən Ukraynaya dəstək almağa çalışacaqlar.
FT-nin məlumatına görə, görüşdə Rusiya və Ukrayna arasında münaqişənin sülh yolu ilə həlli üçün əsas yarada biləcək prinsiplər qeyri-rəsmi müzakirə olunacaq. Adı açıqlanmayan bir Avropa rəsmisi qəzetə bildirib ki, Avropa dünyanın qalan hissəsinin Ukraynaya dəstək verməsinin zəruriliyinə inandırmaq barədə çox az anlayışa malikdir.
Poliqon.info
Digərxəbərlər
Populyar xəbərlər
