Birləşmiş Ştatlar Qəzza zolağına humanitar yardımın hərbi təyyarələrdən istifadə etməklə çatdırılması imkanlarını araşdırır, çünki yardımın quru yolu ilə çatdırılması getdikcə çətinləşir...
Poliqon xəbər verir ki, bu barədə “Axios” portalı dörd amerikalı rəsmiyə istinadən məlumat yayıb.
Nəşrin mənbələrinin fikrincə, ABŞ prezidenti Co Baydenin belə bir ehtimalı nəzərdən keçirməsi Ağ Evdə anklavda, xüsusən də sektorun şimalında humanitar vəziyyətin pisləşməsi ilə bağlı narahatlığın artdığını göstərir.
Qeyd edək ki, bundan əvvəl BMT fevralda Qəzza zolağına çatdırılan humanitar yardımın həcminin yanvar ayı ilə müqayisədə iki dəfə azaldığını bildirib. Bir səlahiyyətli Axios-a bildirib ki, bu qismən Fələstin HƏMAS hərəkatının mülki polisinin fevralın əvvəlində İsrail ordusunun hücumuna məruz qaldıqdan sonra yardım ləvazimatlarını müşayiət etməyi dayandırması səbəbindən baş verib. Bu, silahlı dəstələrin humanitar yardım daşıyan yük maşınlarını qarət etməsinə şərait yaradıb.
Nəşrin mənbəsi bildirib ki, müharibənin əvvəlində ABŞ yardımın hava yolu ilə çatdırılması ideyasına şübhə ilə yanaşırdı. İsrailin Qəzza zolağına bir neçə dəfə uğurla humanitar yardım atmasından sonra Ağ Ev humanitar yardımın göndərilməsinin bu üsuluna münasibətini dəyişməyə başlayıb. Eyni zamanda rəsmilər qeyd ediblər ki, hava yolu ilə anklava çatdırıla biləcək humanitar yardımın həcmi məhduddur.
Poliqon.info
Digərxəbərlər
Populyar xəbərlər
