ABŞ-ın Yaxın Şərqdəki Hərbi Dəniz Qüvvələrinin komandanı Bred Kuper deyib ki, İran Qırmızı dənizdə husilər tərəfindən atəşə tutulan gəmilərə hücumlarda birbaşa iştirak edir...
Poliqon xəbər verir ki, bu barədə Associated Press Agentliyi məlumat yayıb.
"Deyim ki, İran açıq şəkildə husiləri maliyyələşdirir, resurs verir, təchiz edir və öyrədir... Onların bu hücumlarda birbaşa iştirak etdiyi açıqdır. Burada heç bir sirr yoxdur", deyə Kuper bildirib.
O, İranın maliyyələşdirdiyi qüvvələrin hücumlarının artdığını etiraf edib. Əvvəllər onlar yalnız Fars körfəzi və Hörmüz boğazını təhdid edirdilərsə, indi bütün Yaxın Şərqdən söhbət gedir.
"Aydındır ki, husilərin fəaliyyəti, ticarət gəmiçiliyinə hücumları baxımından, son iki nəsildə gördüyümüz ən əhəmiyyətli hadisələr baş verir", deyə Kuper əlavə edib.
Bred Kuper yanvarın 5-də deyib ki, Qırmızı dənizdə Vaşinqtonun rəhbərlik etdiyi qüvvələr bir aydan az müddətdə husilər tərəfindən buraxılan 19 pilotsuz uçan aparatı və raketi vurub, lakin onların ticarət gəmilərini hədəf almağı dayandıracaqlarına dair heç bir əlamət yoxdur.
Poliqon.info
Digərxəbərlər
Populyar xəbərlər
