ABŞ hərbiçilərinə Nigerdəki bazanı tərk etmək qadağan edilib...

Poliqon xəbər verir ki, bu barədə mənbələrə əsasən CNN telekanalı məlumat yayıb. Mənbələrin kanala verdiyi məlumata görə, keçən həftə təxminən min ABŞ əsgəri bazaya qaytarılıb.

CNN qeyd edir ki, Vaşinqton Afrika ölkəsində baş verənlərin dövlət çevrilişi olub-olmadığına hələ qərar verməyib. Baş verənlər çevriliş olaraq tanınarsa, Nigerə iqtisadi və hərbi yardımın azaldılmasına səbəb olacaq. CNN-in həmsöhbəti bunun terrorizmlə mübarizə və regionda sabitliyin qorunması üçün “ciddi nəticələrə” səbəb olacağını vurğulayıb.

Qeyd edək ki, ABŞ ordusu təxminən 10 ildir ki, Nigerdədir. Onlar əsasən terrorla mübarizə aparan qüvvələrə məsləhət və təlimlər verirlər.

Xatırladaq ki, Nigerdə üsyan iyulun 26-da səhər tezdən başlayıb. Ona general Abdurahman Tsianinin başçılıq etdiyi prezident qvardiyasının üzvləri rəhbərlik edir. Hərbçilər ölkədə komendant saatı tətbiq edib, konstitusiyanın fəaliyyətini dayandırıb, həmçinin partiyaların hər hansı siyasi fəaliyyətini yasaqlayıb. İyulun 28-də general Tsiani Nigerin yeni prezidenti elan edilib.

Poliqon.info