İran əsilli amerikalı həkim, doğulduğu vaxtdan ABŞ vətəndaşı olan Siyavuş Sübhani Dövlət Departamenti tərəfindən vətəndaşlıqdan məhrum edilib...
Poliqon xəbər verir ki, bu barədə The Washington Post qəzeti yazıb.
Dövlət Departamenti 61 il əvvəl Siyavuş Sübhaniyə Amerika vətəndaşlığının verilməsinin səhv olduğunu bildirib. Departament izah edib ki, ABŞ-da doğulanların hamısının avtomatik olaraq Amerika vətəndaşlığını aldığı “torpaq qanunu” Siyavuş Sübhaniyə şamil edilməməlidir. Çünki onun atası iranlı diplomat olub.
Dövlət Departamenti vətəndaşlığı olmayan həkimi ABŞ-da daimi yaşamaq üçün müraciət etməyə dəvət edib.
Ömrü boyu ABŞ-da yaşayan, bütün hüquqlardan istifadə edən və vətəndaşın bütün vəzifələrini yerinə yetirən Siyavuş Sübhani üçün hakimiyyətin bu qərarı şok olub.
Poliqon.info