Zelenski Trampın Putinin tərəfində ola biləcəyinə inanmır...

Poliqon xəbər verir ki, bunu Ukrayna prezidenti bazar ertəsi axşam yayımlanacaq Amerikanın CNN kanalına müsahibəsində deyib.

“Mən başa düşmürəm ki, Donald Tramp necə Rusiya prezidenti Vladimir] Putinin tərəfində ola bilər”, deyə Zelenski müsahibəsində bildirib.

Qeyd edək ki, noyabrda ABŞ-da keçiriləcək prezident seçkilərində partiyasının namizədliyini qazanmaq üçün böyük favorit olan keçmiş Respublikaçı prezident Konqresdəki tərəfdarlarını Kiyevə 60 milyard dollarlıq hərbi yardımın qarşısını almağa sövq edir. 77 yaşlı Tramp həmçiin dəfələrlə deyib ki, yenidən seçilərsə, Ukraynadakı münaqişəni “24 saata” bitirə bilər, lakin Tramp kimi dəstəkləyəcəyini söyləməkdən imtina edib.

“Mən düşünmürəm ki, Donald Tramp Putini tanıyır. Bilirəm ki, onunla görüşüb, lakin o, heç vaxt onunla döyüşməyib. Məncə, o, Putinin heç vaxt dayanmayacağını başa düşmür”, deyə Zelenski əlavə edib.

Xatırladaq ki, Qərbdən gələn silah yardımlarının kəskin azalması səbəbindən Ukrayna Rusiya qüvvələri qarşısında zəifləyib və qarşıdurmanın üçüncü ilinə girdiyi bir zamanda sağ qalması üçün lazım olan Qərb silahlarını gözləyir.

CNN telekanalına müsahibəsində Ukrayna prezidenti xəbərdarlıq edib ki, ABŞ onun ölkəsinə bir daha dəstək verməsə, milyonlarla insan həlak olacaq.

Poliqon.info