İran lideri hesab edir ki, İraq heç bir ABŞ əsgərinin öz ərazisində olmasına icazə verməməlidir...
İranın ali dini lideri Ayətullah Əli Xameneyi şənbə günü Tehranda rəsmi səfərdə olan İraq prezidenti Əbdül Lətif Rəşidə deyib ki, Birləşmiş Ştatlar etibarsız dostdur və İraq heç bir ABŞ əsgərinin öz ərazisində olmasına icazə verməməlidir.
Poliqon xəbər verir ki, bu barədə Reuters Agentliyinin məlumatında bildirilir.
İraqla güclü əlaqələri olan İran ABŞ-ın İraq və Körfəzdəki sərhədlərində hərbi mövcudluğuna qarşı çıxır və bildirir ki, Qərbin hərbi müdaxiləsi regiondakı sabitliyə köklü təhlükə yaradır.
“Amerikalılar İraqın dostu deyillər. Amerikalılar heç kimlə dost deyillər və hətta avropalı dostlarına belə sadiq deyillər”, deyə İran dövlət mediası Xamneyidən sitat gətirib.
“Hətta bir amerikalının İraqda olması belə, həddən artıq çoxdur”, deyə İranın Ali dini lideri iki qonşu arasında əlaqələri gücləndirmək üçün bir heyətlə Tehranda olan preizdent Rəşidə belə deyib.
Xəbərdə bildirilir ki, Rəşid isə cavabında “İraqın əsas səyi İranla münasibətləri dərinləşdirmək və iki ölkə arasında qalan bəzi məsələləri həll etməkdir”, deyərək İraq-ABŞ əlaqələrinə ümumiyyətlə toxumayıb.
Qeyd edək ki, ABŞ-ın İraqda 2014-cü ildə ölkə ərazisini ələ keçirmiş İslam Dövləti ilə mübarizədə yerli qoşunlara məsləhət və köməklik göstərmək üçün təxminən 2500 əsgəri var.
Poliqon.info
Digərxəbərlər
Populyar xəbərlər
