“Vahid Mustafayevin favoriti, sevimlisi Sevinc Osmanqızı idi” – Turan İbrahimov

Səhv etmirəmsə 2010 idi... ANS-də işləyirdim. “Günə Baxan” verlişini daha aparmırdım. Yeni verlişə başlamaq qərarı verdik. Debat formatlı. Adı da “Açıq söhbət” oldu. Mənim proyektim idi, Mir Shahin də dəsdək verirdi. O günlərdə ANS prezidenti Vahid Mustafayevin favoriti, sevimlisi isə Sevinc Osmanqızı idi. Onu “Xəbərçi”-nin rəhbəri qoydu, sonra da geniş səlahiyyətlər verdi. Elə o günlərdə Osmanqızı ANS-də xod gedirdi... Bir gün dəhlizdə mənə yaxınlaşdı, xeyli kompliment elədi. Mən də Mir Şahinin yanına gəlirdim. Girdim Şahinin yanına, dedim Sevinclə söhbət edirdik. Mən nisbətdə gənc olduğum üçün Sevinc Osmanqızını yaxın tanımırdım. Mir Şahindən soruşdum ki, bəs bu Sevinc necə insandır? Mir Şahinin cavabı hələ də qulağımda səslənir.) Özünə məxsus tonda və üslubda belə dedi. “Bilirsən necə insandı? 97 faizi *ox, 3 faizi isə *idik”. Çox gülmüşdüm.

Bir- neçə gün sonra “Açıq söhbətin” ilk buraxılışını çəkdik. Mövzu “parlamentimizdə gerçək müxalifət varmı?” -idi. Qonaqlar isə Pənah Hüseyin və Fazil Mustafa. Verlişin gedişatında Pənah Hüseyin əsəbləşdi, üstümə şığıdı... Qalmaqal yaşandı. Vahid Mustafayev də orda idi və hər kəsin təəccübünə səbəb olacaq formada mənə irad bildirdi, mübahisə etdik. Mühafizəyə məni, bir də kanala buraxmamağı tabşırdı. Səhəri gün hər şeyini hazır etdiyim “Açıq Söhbət” tok-şousunu Sevinc Osmanqızının apardığını və eyni mövzunu çəkdiklərini eşitdim. Verliş qısa müddət efirə getdi, istədikləri kimi alınmadığı üçün bağlandı...

Turan İbrahimov

pia.az