Ukrayna partizanları – Onlar rus ordusuna ağır zərbələr vururlar...

İstər kişi, istərsə də də qadın olan ukraynalı partizanlar körpüləri dağıtmaq, təchizat maşınlarını təxribat etmək, ruslarla əməkdaşlıq edən kolobrantları öldürmək və ukraynalı hava qüvvələri üçün hədəflər qoymaq kimi müxtəlif fəaliyyətlərlə məşğul olurlar.

Poliqon xəbər verir ki, gizli fəaliyyət göstərən Ukrayna partizanları The Times nəşrinə bəzi əməliyyatlarını açıqlamağa razı olublar.

Nəşr yazır ki, Ukrayna partizanları daim Rusiya xüsusi xidmət orqanları tərəfindən sıxışdırılırlar. Bununla belə, əsas hücumdan əvvəl onlar öz sıralarına daha çox üzv cəlb etmək üçün çalışırlar.

The Times-a danışan “Xonta” kod adı ilə tanınan partizan Ukrayna qoşunlarına əks-hücumda dəstək vermək üçün düşmənə maksimum ziyan vurmağın vacibliyini vurğulayıb. Onun iştirak etdiyi əməliyyatlardan biri isə Krımda dəmir yolu qovşağının partladılması, yarımadanın Rusiya ilə dəmir yolu əlaqəsinin kəsilməsi olub.

Nəşr yazır ki, partizanlar öz əməliyyatlarını diqqətlə planlaşdırır, çox vaxt hazırlıq üçün aylar sərf edirlər. Əvvəllər Rusiya ordusunda təlim keçmiş Dmitri könüllü olaraq Ukrayna hərbi kəşfiyyatı QUR-un iki tərəfli agenti olub. O, QUR-a Rusiya bazasının koordinatlarını uğurla verib və nəticədə təxminən 60-100 əsgərin ölümünə səbəb olan raket zərbəsi ilə həmin baza dağıdılıb.

Dmitri hücumdan sağ çıxsa da yaralanıb və müalicə aldığı Rusiya səhra qospitalından QUR-la əlaqə saxlayıb.

The Times qeyd edir ki, Dmitri də daxil olmaqla partizanlar öz işlərində böyük risklərlə üzləşirlər, lakin onlar rus işğalçılarına qarşı vuruşmağa və ölkələrini azad etməyə həvəslidirlər. Onlar gizli şəkildə fəaliyyət göstərir, ünsiyyət qurmaq üçün şifrəli mesajlaşma üsulalrından istifadə edir və şübhəli Rusiya nəzarət məntəqələrindən yayınırlar.

Ukrayna partizanlarının keçirdikləri əməliyyatlar arasında kiçik hücumlardan tutmuş döyüş sursatı ilə dolu gəminin məhv edilməsi kimi daha böyük əməliyyatlar var.

Poliqon.info