Amerikanın keçmiş lideri Donald Tramp mart ayında vəkillik xərclərinə 4,9 milyon dollar xərcləyib...
Poliqon xəbər verir ki. bu barədə Bloomberg Agentliyi məlumat yayıb. Nəşr qeyd edir ki, siyasətçinin vəkillərə ödəniş etməklə bağlı problemləri ortaya çıxa bilər. Çünki eks-prezidentin hüquq müdafiəçilərinin xidmətlərini ödəmək üçün istifadə etdiyi hesablarda 6,8 milyon dollar qalıb.
Bu, Trampı yeni maliyyə mənbələri axtarmağa məcbur edə bilər. Hələlik Ağ Evin keçmiş rəhbəri donorların ianələrini qəbul edə bilən “Amerikanı xilas et” siyasi fəaliyyət komitəsi sayəsində hüquqi xərclərini ödəyir.
Bloomberg yazır ki, 2023-cü ilin yanvar ayından etibarən “Save America” hüquqi ödənişlərə 62 milyon dollardan çox xərcləyib. Eyni zamanda Respublikaçıların Milli Komitəsi artıq Trampın məhkəmə xərclərini ödəməkdən imtina edib. Buna görə də Tramp donorlarından daha çox vəsait toplamağa və ya öz sərvətindən istifadə etməyə çalışa bilər.
Qeyd edək ki, Tramp Kapitoliyə hücum, məxfi sənədlərin saxlanması və maliyyə sənədlərinin saxtalaşdırılması da daxil olmaqla bir neçə ittihamla üz-üzədir.
Poliqon.info