Tramp “Çin virusu” ifadəsinə görə məhkəməyə verilib 

ABŞ-ın Çin əsilli vətəndaşlarının hüquqlarını müdafiə edən ictimai təşkilat Ağ Evin keçmiş başçısı Donald Trampı COVID-19-u “Çin virusu” adlandırdığı üçün məhkəməyə verib.

Bu barədə TMZ xəbər yayıb.

İddiaçılar siyasətçini böhtan və mənəvi ziyan vurmaqda günahlandırdılar. Onlar Trampın məsuliyyətə cəlb edilməli olduğuna inanırlar.

İddiada respublikaçının koronavirus infeksiyasını “Uhan virusu” və bənzər ifadələrlə adlandıraraq Çin Xalq Respublikasını nəzərdə tutduğu qeyd edilib.

Prokurorluğa görə, ABŞ-ın keçmiş prezidentinin qərəzli yanaşması Asiya ölkələrindən gələn immiqrantlara qarşı şiddətin artmasına səbəb olub.

İddiaçılar Tramp-dan ABŞ-da yaşayan Asiya və ya Sakit okean adasından olan insanların hər birinə 1 dollar (1.7 manat) ödəmələrini tələb ediblər.

Təzminatın ümumi məbləği 22.9 milyon dollar (38.9 milyon manat) olduğu bildirilir.

pia.az