Sumqayıtda kişi öldürülüb, qohumu şübhəli şəxs qismində saxlanılıb...
Sumqayıtda baş verən dəhşətli qətlin təfərrüatı məlum olub.
Belə ki, 1998-ci il təvəllüdlü Əkbər Vəliyev aralarında yaranan mübahisə nəticəsində bacısının əri Arif Muxtarovu bıçaqlayaraq öldürüb.
Mərhumun atası Habil Muxtarov bildirib ki, ailə arasında heç bir problem olmayıb:
“Ailə arasında problem olanda da insanı belə öldürmürlər. Dəlinin yeri dəlixanadır. Dəlinin birinə atası bıçaq verib deyir ki, narahat olma pulumuz var səni xilas edəcəyik”.
A.Muxtarovun bibisi oğlu Vaqif Əliyev qeyd edib ki, dayısı oğlu planlı şəkildə qətlə yetirilib:
“Dörd nəfər olublar. Deyirlər ki, güyə tək olub. Amma bu belə deyil. 15 bıçaq xəsarəti alıb, 7 aylıq körpə balası var”.
Əkbər Vəliyevin bacısını ölümlə təhdid etdiyi səs yazısı və daha ətraflı Baku TV-nin süjetində:
***
Bu barədə "Report"a Sumqayıt Şəhər Prokurorluğundan məlumat verilib.
Bildirilib ki, iyulun 2-də Sumqayıt şəhər sakini, 1998-ci il təvəllüdlü Arif Muxtarovun aldığı xəsarətlərdən xəstəxanada ölməsi barədə şəhər prokurorluğuna məlumat daxil olub.
Araşdırma zamanı 1998-ci il təvəllüdlü Əkbər Vəliyevin iyulun 1-də Sumqayıt şəhəri ərazisində aralarında yaranmış mübahisə zamanı bacısının əri Arif Muxtarova bıçaqla xəsarətlər yetirməsi və zərəçəkmişin növbəti gün həmin xəsarətlərdən xəstəxanada ölməsinə əsaslı şübhələr müəyyən edilib.
Faktla bağlı Sumqayıt şəhər prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi istintaq edilir.
Əkbər Vəliyev iş üzrə şübhəli şəxs qismində tutulub.
Poliqon.info