Stress, narahatlıq və sinir gərginliyinin diş və damağla bağlı ciddi problemlərə səbəb ola bilər…
Poliqon.info xəbər verir ki, bu barədə diş həkimi Asya Qabuyeva Gazete.Ru nəşrinə bildirib.
Mütəxəssisin sözlərinə görə, insan narahat olanda bədəni kortizol - stress hormonu kimi tanınan və sümük tərkibinə təsir edən və asit səviyyəsini artıran bir maddə istehsal edir. Daha sonra, bu maddə karies yaradaraq dişləri çürüdür, stomatit və ağız boşluğunun digər xəstəliklərinin sürətlə inkişafına səbəb olur.
Stres diş ətlərinin vəziyyətini pisləşdirib damaq xəstəliklərinə səbəb ola bilər. Bununla yanaşı stres periodontal xəstəliyin yaranmasında da rol oynayır. Həkim xəbərdarlıq edib ki, bu dişlərin itirilməsinə səbəb ola bilər.
Diş həkiminin aözlərinə görə, ağızdakı əzələlər streslə üzləşdikdə gərginləşir və bu da bruksizmə (yuxuda dişləri qeyri-ixtiyari sıxıb qıcırdadmağa) səbəb ola bilər.
Mütəxəssis qeyd edib ki, stress həyatın qaçılmaz bir hissəsidir, lakin onun səhhətə necə mənfi təsir etdiyini də unutmamalıyıq. Ona görə də sağlamlığın əsas şərtlərindən biri də stressdən qaçmaqdır.
Poliqon.info