Stoltenberq: NATO Rusiyadan birbaşa təhlükə görmür...

Poliqon xəbər verir ki, bu barədə jurnalistlərə NATO-nun Baş katibi Yens Stoltenberq müvafiq sualı cavablandırarkən bildirib. Baş katib qeyd edib ki, Şimali Atlantika Alyansı Rusiyadan üzv ölkələr üçün birbaşa və ya qaçılmaz təhlükə görmür.

“Biz NATO müttəfiqləri üçün birbaşa və ya qaçılmaz təhlükə görmürük, lakin biz Rusiyanın nə etdiyini diqqətlə izləyirik”, deyə Stoltenberq bildirib.

Bununla yanaşı, Stoltenberq Rusiyanın Ukraynada hərbi əməliyyatlarına başlamasından sonra NATO-nun sayıqlığını artırdığını və alyansın şərq hissəsində mövcudluğunu artırdığını qeyd edib. Onun sözlərinə görə, 2022-ci ilin fevralından NATO-nun iki vəzifəsi var:

“Birincisi Ukraynanı dəstəkləmək, ikincisi NATO ilə Rusiya arasında genişmiqyaslı müharibənin qarşısını almaqdır”, - deyə o bildirib.

Baş katib həmçinin təsdiqləyib ki, bu həftənin sonunda NATO 90 min nəfərin iştirakı ilə ən böyük hərbi təliminə başlayacaq.

Poliqon.info