Vladimir Putin Dövlət Dumasına Rusiya Federasiyasında hərbi və fövqəladə vəziyyətin tətbiqi və ya xitam verilməsi barədə Avropa Şurasının Baş katibinə məlumat verilməsi zərurətini ləğv edən qanun layihəsi təqdim edib...
Poliqon xəbər verir ki, sənəd Dövlət Dumasının məlumat bazasında dərc edilib.
Hərbi və fövqəladə vəziyyət haqqında federal konstitusiya qanunlarına dəyişikliklər edilir. Mövcud qaydalara görə, Rusiya BMT və Avropa Şurasının baş katiblərinə ölkədə müharibə və ya fövqəladə vəziyyətin tətbiqi ilə rusların hüquq və azadlıqlarının məhdudlaşdırılması ilə bağlı beynəlxalq müqavilələrdən irəli gələn öhdəliklərdən çıxması barədə məlumat verməlidir. Bu öhdəlik İnsan Hüquqlarının və Əsas Azadlıqların Müdafiəsi haqqında Konvensiyanın tələblərinə cavab verirdi.
Putin qanunlardan Konvensiyanın qeyd edilməsini və Avropa Şurasının baş katibinin məlumatlandırılması ilə bağlı bəndin çıxarılmasını təklif edir. İzahat qeydində bu təklif onunla izah olunur ki, 16 mart 2022-ci il tarixindən etibarən qeyd olunan Konvensiya, habelə ona Rusiya tərəfindən ratifikasiya olunmuş protokollar Rusiya Federasiyasına münasibətdə qüvvəsini itirib.
Poliqon.info
Digərxəbərlər
Populyar xəbərlər
