Rusiyada federal büdcənin neft və qaz gəlirlərinin payı son 16 ildə ən aşağı səviyyəyə düşüb. İndi bu, bütün gəlirlərin təxminən 28%-ni təşkil edib...
Poliqon xəbər verir ki, RBC Agentliyi bu barədə Hesablama Palatasının analitik qeydinə istinadən məlumat yayıb.
Bu ilin 9 ayında neft və qazdan federal büdcənin gəlirləri bütün gəlirlərin 28,3%-ni təşkil edib. 2022-ci ilin eyni dövrü ilə müqayisədə neft və qaz gəlirlərinin payı 15% azalıb. Pul ifadəsində bu gəlirlər 2,9 trilyon rubl azalıb.
Beləliklə, 2007-ci ildən bəri federal büdcənin ümumi gəlirlərində neft və qaz gəlirləri minimum səviyyəyə çatıb.
Belə dinamika "Urals" neftinin və təbii qazın orta qiymətinin azalması və əlavə olaraq neft-qaz sənayesində vergi manevri ilə izah olunur.
Daha əvvəl bildirilib ki, 2023-cü ildə yanacaq-energetika kompleksindən Rusiya büdcəsinin gəlirləri 2022-ci illə müqayisədə 3 trilyon rubl azalaraq 8,6 trilyon rubl təşkil edəcək.
Poliqon.info