Politico: ABŞ Ukraynadakı münaqişənin “dondurulmasına” hazırllaşır...

Poliqon xəbər verir ki, bu barədə Politico nəşri ABŞ administrasiyasının müzakirələri ilə tanış olan ABŞ rəsmilərinə istinadən məlumat yayıb. Nəşr yazır ki, Vaşinqton Ukrayna böhranının mümkün dondurulmasına hazırlaşır və bu, onilliklər davam edə bilər.

“ABŞ hakimiyyəti Rusiya və Ukrayna arasında hərbi əməliyyatların uzun illər, hətta onilliklər boyu dondurulmuş münaqişəyə çevrilməsi ehtimalına hazırlaşır”, deyə nəşr yazır.

Politico-ya görə, belə bir variant “Ukrayna və Rusiyanın keçməməyə razılaşacağı, lakin rəsmi olması şərt olmayan potensial sərhədlərin müəyyənləşdirilməsini” nəzərdə tutur.

Mənbələrdən birinə görə, vəziyyətin bu ssenari üzrə inkişafı getdikcə aktuallaşır və ABŞ administrasiyası daha çox uzunmüddətli planlaşdırmaya diqqət yetirir, halbuki əvvəlki aylarda söhbət fövqəladə və qısamüddətli atəşkəsdə gedirdi.

Nəşr yazır ki, döyüş əməliyyatlarının dayandırıldığı, lakin tərəflərdən heç birinin özünü qalib elan etmədiyi və ya münaqişəyə rəsmi son qoyulmasına razı olmadığı dondurulmuş münaqişə də ABŞ və Ukraynanı dəstəkləyən digər ölkələr üçün uzunmüddətli siyasi məqbul nəticə ola bilər.

Beləliklə, Politico nəşribelə qənaətə gəlir ki, Ukraynadakı vəziyyət Koreya yarımadasında və ya Hindistan və Pakistan arasında uzunmüddətli qarşıdurmaya çevrilə bilər.

Mənbələr həmçinin bildiriblər ki, ABŞ hakimiyyəti təhlükəsizlik sahəsində Vaşinqton və Kiyev arasında uzunmüddətli əlaqələr və Ukraynanın NATO ilə münasibətləri haqqında düşünür.

Poliqon.info