Papa Fransisk dinc əhaliyə qarşı ayrıseçkilik etmədən hücumların müharibə cinayəti olduğunu bildirib...
Poliqon xəbər verir ki, bu barədə Reuters Agentliyinin məlumatında bildirilir. Roma Papası Vatikanda akkreditə olunmuş diplomatlara müraciətində Yaxın Şərqdəki hadisələr və Ukraynadakı müharibə haqqında danışarkən deyib ki, Ukrayna və Qəzzada baş verənlər buna əyani sübutdur.
Papa İsrail və HƏMAS arasında Qəzzada böyük mülki itkilərə səbəb olan münaqişəni şərh edərkən bütün cəbhələrdə atəşkəsə çağırıb.
Qeyd edək ki, Papa 2023-cü ilin oktyabrında HƏMAS-ın İsrailə hücumunu pisləyib. O, bunu amansız terror və ekstremizm aktı adlandırıb. Pontifik həmçinin Qəzza zolağında saxlanılan girovları dərhal azad etməyə çağırıb.
Fransiskin fikrincə, müharibələri yaradan səbəblərin kökü kəsilməlidir.
Poliqon.info