Niger Əlcəzairin siyasi böhranın həlli təşəbbüsünü qəbul etməyib və bu məsələ ilə bağlı Əlcəzair Xarici İşlər Nazirliyinin mesajını təkzib edib...
Poliqon xarici mətbuata əsasən xəbər verir ki. bu barədə Xarici İşlər Nazirliyinin bəyanatında bildirilib. Qeyd edəj ki, Əlcəzairin təşəbbüsü konstitusiya və demokratik sistemin bərpası üçün altı aylıq keçid dövrünü nəzərdə tuturdu.
Niger Xarici İşlər Nazirliyinin bəyanatında bildirilib ki, “Niger Respublikası Hökuməti Əlcəzair ilə dostluq və qardaşlıq əlaqələrini qorumaq istəyini təkrarlayaraq, bu təşəbbüsü rədd edir”.
Xatırladaq ki. avqust ayında Əlcəzair Nigerdə hərbçilərin hakimiyyəti ələ keçirdiyi böhranın sülh yolu ilə həlli təşəbbüsü irəli sürüb. Təşəbbüs keçid dövrünü və Əlcəzairin vasitəçiliyini nəzərdə tutur.
Bir gün əvvəl, oktyabrın 2-də Əlcəzair Xarici İşlər Nazirliyi Nigerin təklifi qəbul etdiyini açıqlamışdı.
Niger Xarici İşlər Nazirliyi qeyd edir ki, onlar əvvəllər təşəbbüsü öyrənməyə hazır olduğunu bəyan edib, lakin əvvəldən təkid edib ki, keçid dövrünün müddəti Milli İnklüziv Forumun nəticələrindən, eləcə də ölkənin idarə edilməsində dəyişikliklərdən asılı olmalıdır.
Poliqon.info