Cənubi Koreya polisi Telegram messencerinə qarşı cinayət işi açıb...
Poliqon xəbər verir ki, bu barədə Cənubi Koreyanın “Yonhap” Agentliyi məlumat yayıb. İstintaqın platformada dərc olunan bəzi saxta məzmunlarla bağlı olduğu qeyd edilir.
Cənubi Koreya Milli Polis Təhqiqat Bürosunun rəhbəri U Cjon Su bildirib ki, şübhələr cinayətin asanlaşdırılması, bu halda saxta videoların və digər cinayətlərin yayılması ilə bağlıdır.
Hüquq-mühafizə orqanlarının əməkdaşları qeyd edirlər ki, messencer lazımi məlumatları, məsələn, hesab məlumatları təqdim etmədiyi üçün araşdırmada bəzi çətinliklər var.
Xatırladaq ki, Telegram-ın yaradıcısı Pavel Durov hazırda Fransadadır və o, məhkəmə nəzarəti altındadır.Durov elektron qolbaq taxmaq məcburiyyətində qalmasa da, məhkəmənin verdiyi məhdudiyyətlərə əməl etməli olacaq. Məsələn, mütəmadi olaraq o, polis bölməsinə baş çəkməlidir. Üstəlik, Telegram-ın təsisçisi ünvanını dəyişərsə, hakimlə yeni yaşayış ünvanı barədə razılığa gəlməli olacaq.
Poliqon.info