Beyrutun cənubunda iki xəstəxana İsrailin zərbələri səbəbindən fəaliyyətini dayandırıb...
Livan paytaxtının cənub rayonlarında yerləşən iki xəstəxana İsrailin hava zərbələri səbəbindən müvəqqəti olaraq fəaliyyətini dayandırıb.
Poliqon xəbər verir ki, bu barədə “Əl Mayadeen” ərəb telekanalı məlumat yayıb.
Söhbət “Müqəddəs Tereza” xəstəxanasından və “Əl-Rəsul Əl-Azam” xəstəxanasından gedir. Ümumilikdə İsrail aviasiyası Beyrutun cənubuna azı 7 zərbə endirib.
Oktyabrın 7-də İsrail hərbçiləri Qəzza zolağının Deyr əl-Bələh şəhərindəki xəstəxana binasında yerləşən Fələstinin HƏMAS radikal hərəkatının komanda-nəzarət mərkəzlərinə hücum edib.
Bir gün əvvəl İranyönlü şiə hərəkatı “Hizbullah”ın Livandan İsrailə doğru 120-dən çox mərmi atdığı xəbəri yayılmışdı.
Oktyabrın 1-nə keçən gecə İsrail Müdafiə Qüvvələri Livanın cənubunda Livanın şiə “Hizbullah” hərəkatına qarşı məhdud quru reydləri elan edib. İsrail ordusu sərhədə yaxın kəndlərdə İsrailin əhali mərkəzləri üçün dərhal təhlükə yaradan “lokallaşdırılmış, hədəflənmiş quru əməliyyatları” aparıldığını bildirib.
Poliqon.info
Digərxəbərlər
Populyar xəbərlər
