Telegram-ın qurucusu Pavel Durov həbs olunduqdan sonra Fransa hüquq-mühafizə orqanlarının əməkdaşlarına prezident Emmanuel Makronla planlaşdırılan görüşü olduğunu deyib...
Poliqon xəbər verir ki, bu barədə Fransanın həftəlik qəzeti "Le Canard Enchaine" məlumat yayıb.
"Telegram-ın rəhbəri Pavel Durov təyyarədən enərkən onu saxlayan polis əməkdaşlarına Makronla nahar etməli olduğunu deyib", deyə xəbərdə qeyd edilir.
Yelisey sarayı jurnalistlərə verdiyi şərhdə bunu rəsmən təkzib edib. Fransa prezidentinin həmin axşam Le Touquetdə olduğu bildirilib.
Xatırladaq ki, "Telegram"ın baş direktoru və təsisçisi avqustun 24-də Fransada saxlanılıb. O, terrorçuluq, fırıldaqçılıq və narkotik alveri də daxil olmaqla, messencerin işində çoxsaylı pozuntularda ittiham olunur.
"Telegram" komandası əmin edir ki, onlar Avropa İttifaqının qanunlarına əməl edirlər və messencerin təsisçisinin gizlədə biləcəyi heç nə yoxdur.
Fransa prezidenti Emmanuel Makron artıq Durovun saxlanmasına münasibət bildirib. Onun sözlərinə görə, söhbət siyasi işdən getmir və ölkənin məhkəmə sistemi tam müstəqildir.
Mətbuatın yazdığına görə, iş adamı avqustun 28-dək həbsdə saxlanılıb. Bundan sonra hüquq-mühafizə orqanları onu ya azad edəcək, ya da ittiham irəli sürəcək.
Poliqon.info
Digərxəbərlər
Populyar xəbərlər
