İslandiyanın Reykjanes yarımadasında vulkan püskürüb

Poliqon xəbər verir ki, bu barədə yerli teleradio şirkəti RUV məlumat yayıb. Hakimiyyət yarımadada fövqəladə vəziyyət elan edib.

Püskürmə dünən, avqustun 22-də yerli vaxtla saat 21:26-da (Bakı vaxtı ilə 23 avqust 01:26) başlayıb. Vulkanın yaxınlığındakı Qrindavik şəhəri boşaldılıb. Şəhərdən neçə nəfərin çıxarıldığı açıqlanmır. Meteoroloji xidmətin məlumatına görə, maqmanın axdığı yerdəki çat 3,9 km uzunluğundadır. Vulkanik lava 6 km/saat sürətlə hərəkət edir.

İslandiya Mülki Müdafiə Departamentinin direktoru Vidir Reynisson bildirib ki, əsas problem adada soyuq su təchizatıdır. Boru qorunur və bundan əvvəlki püskürmələrin stresinə tab gətirib, lakin lava boruya çatarsa, su təchizatı risk altında olacaq.

Xatırladaq ki, İslandiyada 33 aktiv vulkanik sistem var. Hazırkı püspürmə bu il Reykjanesdə baş verən beşinci vulkan püskürməsidir.

Poliqon.info