Ukrayna Meksika hakimiyyətini Putini həbs etməyə çağırıb - Sənəd

Poliqon xəbər verir ki, Ukraynanın Meksikadakı səfirliyi Putini sözügedən mərasimə dəvət etdikdən sonra müvafiq müraciət dərc edib.

Səfirlik Ukrayna prezidenti Volodimir Zelenskini dəvət etdiyi üçün Meksikaya təşəkkür edib və Putinin hərbi cinayətkar olduğunu vurğulayıb.

"Ümid edirik ki, Meksika hökuməti Vladimir Putinin ukraynalı uşaqları oğurlamaqda və Rusiyaya zorla deportasiya etməkdə şübhəli bilinən hərbi cinayətkar olması faktından xəbərdardır, onun həbsi Beynəlxalq Cinayət Məhkəməsi tərəfindən verilib. Beynəlxalq Cinayət Məhkəməsinin yurisdiksiyasını Meksika tanıyır", dərc olunmuş sənəddə qeyd edilir.

Qeyd edək ki, Putin rəsmi olaraq Meksikanın yeni rəhbəri Klaudiya Şeynbaumun andiçmə mərasiminə dəvət olunub. Andiçmə mərasimi oktyabrın 1-də Mexikoda keçiriləcək. Meksikanın Rusiya Federasiyasındakı səfirliyi qeyd edib ki, Putin mərasimdə şəxsən iştirak edib-etməməsinə və ya onun adından bunu etmək üçün Meksikaya yüksək rütbəli bir məmuru göndərəcəyinə qərar verəcək.

Meksika Rusiya prezidentinin həbsinə order verən Beynəlxalq Cinayət Məhkəməsinin (ICC) yurisdiksiyasını tanıyır. Ölkə 2005-ci ildə Roma Statutunu imzalayıb. Bu, Rusiya liderinin bu ölkəyə səfərini çətinləşdirə bilər, çünki bu qurum onun həbsinə order verib. Putinin prezidentinin mətbuat katibi Dmitri Peskov daha əvvəl vurğulamışdı ki, Rusiya qərarı qeyri-qanuni hesab edir və BCM-nin orderlərini tanımır, çünki bu statusun iştirakçılarından biri deyil.

Onu da qeyd edək ki, iyunun 2-də keçirilən prezident seçkilərində hakim Morena Partiyasının namizədi Klaudiya Şeynbaum qalib gəlib. Vladimir Putin onu dövlət başçısı seçilməsi münasibətilə təbrik edib.

Poliqon.info