Tramp Ukraynanı Rusiyanın bir hissəsi adlandırıb

Poliqon xəbər verir ki, bu barədə The Wall Street Journal nəşri mənbələrə istinadən məlumat yayıb.

ABŞ rəsmilərinin sözlərinə görə, Tramp Ukraynanı “rusların Ukraynası” və “Rusiyanın bir hissəsi” adlandırıb. Bundan əlavə, qəzetin mənbələri bildiriblər ki, Ağ Evin keçmiş sahibi Ukraynanı korrupsiyaya görə tənqid edib.

Qeyd edək ki, ABŞ-ın hazırkı prezidenti Co Baydenin 2024-cü il seçkilərində əsas rəqibi olan Donald Tramp Ukraynaya qarşı qərəzi ilə seçilir və sabiq prezident uzun müddət Ukraynaya maliyyə yardımının ayrılmasına mane olub. Buna baxmayaraq aprelin 20-də Respublikaçıların nəzarətində olan Nümayəndələr Palatası Ukraynaya 61 milyard maliyyə yardımı ayrılması ilə bağlı qanunu qəbul edib.

Poliqon.info