İran hücumdan sonra nüvə obyektlərini bağlayıb

Poliqon xəbər verir ki, bu barədə Atom Enerjisi üzrə Beynəlxalq Agentliyin rəhbəri Rafael Qrossi məlumat verib.

Qurum rəhbəri Nyu-Yorkda BMT Təhlükəsizlik Şurasının iclasında deyib ki, İran hökuməti MAQATE müfəttişlərinə agentliyin hər gün təftiş etdiyi bütün nüvə obyektlərinin bazar günü "təhlükəsizlik səbəbi ilə" bağlandığını deyib.

Obyektlərin bazar ertəsi yenidən açılması planlaşdırılırdı. Bununla belə, Qrossi vəziyyət "tamamilə sakitləşənə qədər" müfəttişləri geri göndərməmək qərarına gəldiyini bildirib.

Qeyd edək ki, ötən həftə İran tarixdə ilk dəfə İsrailə birbaşa hücum edib. İran İsrailə doğru təxminən 185 pilotsuz uçuş aparatı, 110 yer-yer raketi və 36 qanadlı raket atıb. Raketlərin əksəriyyəti İrandan, bəziləri isə İraq və Yəməndən atılıb. İran rəsmiləri bildiriblər ki, ölkənin maraqlarına zərər vuran hər hansı dəstək və ya iştirak İran İslam Respublikasının silahlı qüvvələrinin sərt cavabı ilə nəticələnəcək.

Rəsmi məlumatlara görə, İsrail ərazisinə cəmi bir neçə raket düşüb - onların əksəriyyəti İsrailin hava hücumundan müdafiə sistemləri tərəfindən ələ keçirilib. Eyni zamanda, ABŞ ordusu Aralıq dənizinin şərqində hərbi gəmilərdən 70-dən çox pilotsuz təyyarə və ən azı üç ballistik raketi vurub.

İsrailin İranın irimiqyaslı hücumlarına cavab verib-verməyəcəyi hələlik bəlli deyil. "Kanal 12" xəbər verir ki, İsrail hökuməti baş nazir Benyamin Netanyahu və müdafiə naziri Yoav Qalanta gələcək addımlar barədə qərar vermək səlahiyyəti verib.

Poliqon.info