Britaniya Ruanda ilə olduğu kimi miqrantlarla bağlı Ermənistanla da danışıqlar aparır...
Poliqon xəbər verir ki. bu barədə The Times nəşri Britaniya hökumətinin sızması səbəbindən əlçatan olan sənədlərə istinadən yazıb.
Nəşr qeyd edir ki, Böyük Britaniya tərəfdən Ermənistan, Kot-D'İvuar, Kosta-Rika və Botsvana ilə Ruanda sxemi ilə qeyri-qanuni miqrantların geri qaytarılması ilə bağlı danışıqlara başlanılıb.
Xəbərdə qeyd edilir ki, Böyük Britaniya oxşar danışıqlara başlamaq üçün onlarla ölkəyə müraciət edib. London artıq Paraqvay, Ekvador, Peru, Braziliya və Kolumbiyaya müraciət edib. Lakinbu dövlətlər bu tipli sövdələşmədə daha az maraqlıdırlar. Bundan əlavə, Namibiya, Mərakeş, Tunis və Qambiya belə bir müzakirədə iştirakdan imtina ediblər.
The Telegraph həmçinin yazır ki, Ruanda deportasiya sxeminin ilk beş ili ərzində 30 min miqrantı qəbul etməyə hazırdır. BBC-nin məlumatına görə, təkcə ötən il 30 minə yaxın insan La-Manş boğazını qayıqla Böyük Britaniyaya keçib.
London bunun üçün təxminən 4,5 milyard funt sterlinq ödəyir, yəni deportasiya edilən hər bir miqrant krallığa 150 min funt-sterlinqə başa gələcək.
Poliqon.info