Ermənistan hakimiyyəti qərar verməlidir ki, onlar Aİ üzvlüyünə namizəd olmaq istəyirlər, ya yox?..
Poliqon xəbər verir ki, bu barədə Fransanın Ermənistandakı fövqəladə və səlahiyyətli səfiri Olivye Dekotini İctimai Televiziyaya müsahibəsində bildirib. Səfir izah edib ki, bu, hüquqi, rəsmi prosesdir və bu gün Ermənistan hakimiyyəti bu tələbi formalaşdırmayıb.
Olivye Dekotininin sözlərinə görə, Ermənistan son illər Roma Statutunun ratifikasiyası, Beynəlxalq Cinayət Məhkəməsinin iştirakçısı olan dövlətlərdən birinə çevrilməsi kimi cəsarətli qərarları ilə demokratiyanı gücləndirmək, qanunun aliliyini inkişaf etdirməklə öz seçimində Avropaya üz tutub.
Dekotini vurğulayıb ki, Ermənistan tərəfində Avropa ilə real yaxınlaşmanı müşahidə etmək olar.
“Ermənistanın Avropa ilə yaxınlaşması artıq başlanmış bir prosesdir. Prezident Makron tərəfindən təmsil olunan Fransa sözün geniş mənasında Aİ ölkələrindən başqa, bir qitə olaraq Avropanı maraqlandıran mövzular üzərində işləmək təşəbbüsü ilə çıxış edib. Söhbət Ermənistanın üzvü olduğu və onun iclaslarında iştirak etdiyi Avropa siyasi birliyindən gedir”, deyə diplomat qeyd edib.
Səfir xatırladıb ki, 2022-ci ilin oktyabrında Praqada Avropa siyasi birliyi çərçivəsində Azərbaycanla sülhə nail olmaq üçün danışıqlarda irəliləyiş əldə olunub, ona görə də Ermənistan artıq bu yolla getməyi üzərinə götürüb.
Dekotini əlavə edib ki, Ermənistanın Avropa ilə çoxlu tarixi və mədəni əlaqələri var.
Poliqon.info
Digərxəbərlər
Populyar xəbərlər
