ABŞ və Yaponiya danışıqlar aparır, onlar Ukraynaya döyüş sursatı tədarükünün artırılması barədə razılığa gəlmək istəyirlər. Həmçinin müdafiə sektorunda əməkdaşlığı müzakirə edirlər...
Poliqon xəbər verir ki, bu barədə Yaponiyanın Yomiuri qəzeti mənbələrə istinadən yazıb.
Nəşrin məlumatına görə, tərəflər indi Yaponiyanın baş naziri Fumio Kişida ilə ABŞ prezidenti Co Bayden arasında aprelin 10-da Vaşinqtonda keçiriləcək görüş üçün saziş hazırlamağa çalışırlar.
Qəzet xatırladıb ki, Yaponiya İkinci Dünya Müharibəsində məğlub olduqdan sonra pasifist Konstitusiya qəbul edib və hazırda Ukraynaya silah deyil, maliyyə və humanitar yardım göndərir. Bununla belə, 2023-cü ilin dekabrında Yaponiya hökuməti xarici lisenziya ilə istehsal olunan silahların mənşə ölkələrinə satışına icazə verəcəyini açıqlayıb. Hakimiyyət həmçinin Patriot raketlərini yeganə hərbi müttəfiqi olan ABŞ-a ixrac etmək planlarını açıqlayıb.
Danışıqların əsas mövzusu Yaponiyaya ABŞ-ın silah arsenalını genişləndirməyə kömək etmək yollarını tapmaq olacaq. Qəzet qeyd edir ki, Amerika tərəfi Ukraynaya uzunmüddətli dəstəkdən sonra artilleriya mərmiləri və raket çatışmazlığı səbəbindən mümkün böhrandan narahatdır.
Poliqon.info
Digərxəbərlər
Populyar xəbərlər
