İtaliyanın Maliyyə naziri Cankarlo Corcetti deyib ki, Rusiyanın dondurulmuş aktivlərindən Ukraynanın bərpası üçün istifadə etmək üçün hüquqi əsas tapmaq çətin olacaq...
Poliqon xəbər verir ki, İtaliyanın Maliyyə naziri bu barədə San-Paoloda G20 qrupu çərçivəsində həmkarları ilə görüş öncəsində bildirib.
“Böyük yeddilikdə İtaliyanın sədrliyi Rusiyanın maliyyə aktivlərinin Ukraynaya kompensasiya kimi istifadəsi üçün möhkəm hüquqi baza yaratmaq üçün ağır və mürəkkəb texniki iş qarşısındadır”, deyə Corcetti qeyd edib.
Xatırladaq ki, fevralın 1-də Avropa Şurası Avropa Komissiyasının (AK) Rusiyanın dondurulmuş aktivlərindən əldə edilən gəlirin Ukraynaya yardımın maliyyələşdirilməsi üçün istifadə edilməsi təklifini dəstəkləyib. Rusiya Maliyyə Nazirliyi Rusiya aktivlərinin ələ keçirilməsinə simmetrik cavab verəcəyini vəd edib. Bloomberg Agentliyinin in məlumatına görə, Avropa Mərkəzi Bankı (AMB), Almaniya və Fransa Rusiyanın aktivlərinin müsadirəsinə reaksiyasından ehtiyat edirlər.
Poliqon.info