Venesuelada şaxtanın çökməsi nəticəsində 14 nəfər ölüb

 

 

Poliqon xəbər verir ki, bu barədə Associated Press Agentliyi məlumat yayıb. Mədənin çökməsi fevralın 20-də Bolivar əyalətində baş verib, yerli hakimiyyət orqanları ölənlərin sayının 30-a çata biləcəyini gözləyir.

Bolivar əyalətinin qubernatoru Anxel Marcano yerli jurnalistlərə bildirib ki, xilasetmə işləri hələ də davam etdirilir. Qubernator etiraf edib ki, bəzi insanlar hələ də dağıntılar altındadır.

AP qeyd edir ki, ölən mədənçilərin qohumları hadisə yerinə ən yaxın yerdə, La Paraqua şəhərində toplaşaraq hökuməti cəsədləri uzaq bir yerə köçürməyə çağırıblar. Ölənlərin yaxınları ölkənin bu ərazisində hava şəraitinə görə cəsədlərin daha tez çürüməyə başlaya biləcəyinə inanırlar.

Poliqon.info