Fevralın 14-də Şimali Koreya yaxın vaxtlarda istifadəyə verilməsi planlaşdırılan yeni tipli gəmi əleyhinə raket “Padasuri-6”nı sınaqdan keçirib...
Poliqon xəbər verir ki, bu barədə Koreya Mərkəzi Xəbər Agentliyi məlumat yayıb. Agentlik bildirib ki, buraxılışa Şimali Koreya lideri Kim Çen In şəxsən rəhbərlik edib.
Koreya Mərkəzi Xəbər Agentliyinin məlumatında qeyd edilib ki, raket 23 dəqiqə havada olub və Yapon dənizindəki “şərti hədəfləri” vurub.
Xəbərdə vurğulanır ki, Kim Çen In buraxılışın nəticələrindən “böyük məmnunluğunu ifadə edib” və qeyd edib ki, Şimali Koreya Hərbi Dəniz Qüvvələrinin döyüş qabiliyyətinin gücləndirilməsi “düşmən qüvvələrinin” təxribatlarının qarşısını almağa imkan verəcək.
Poliqon.info