Natiq Cəfərli: Azərbaycanda qardaş Türkiyə modelinə yaxın bir bələdiyyə modelinin qurulmasına ehtiyac var...

ReAl-ın icraçı katibi: “Bələdiyyə sədrlərinin seçicilər tərəfindən seçilməsi çox vacib məsələdir”.

“Biz təklif edirik ki, ölkədə böyük şəhər bələdiyyələrinin yaradılması və bələdiyyə sədrlərinin birbaşa seçilməsi çox vacibdir”.

Bu sözləri ReAl-ın icraçı katibi Natiq Cəfərli bələdiyyə sədrlərinin seçicilər tərəfindən seçilməsini təklifini Poliqon-a şərh edərkən qeyd edib.

Milli Məclisin Regional məsələlər komitəsinin sədri Siyavuş Novruzov bələdiyyə sədrlərinin seçicilər tərəfindən seçilməsini təklif edib. O, bildirib ki, sədrləri bələdiyyə üzvləri yox, xalq seçsə yaxşı olar. Onun sözlərinə görə, bu məsələ gələcəkdə qanunvericiliyə salınmalıdır.

Siyavuş Novruzovun bu təklifini necə dəyərləndirmək olar? Bələdiyyə sədrlərin xalq tərəfindən seçilməsi şəffaflıq yarada bilər?

Mövzunu Poliqon-un əməkdaşı ReAl-ın icraçı katibi Natiq Cəfərli ilə müzakirə edib.

Natiq Cəfərli: “Bələdiyyə sədrlərinin seçicilər tərəfindən seçilməsi məsələsi doğru istiqamətdir”.

Bələdiyyə sədrlərinin seçicilər tərəfindən seçilməsinin konstution dəyişikliklərdə özünü ehtiva etməli olduğunu xatırladan Natiq Cəfərli yaxın zamanlarda belə dəyişikliklər baş verəcəyinə ümid edir:

“Bələdiyyə sədrlərinin seçicilər tərəfindən seçilməsi çox vacib məsələdir. Bu təklifi illərdir biz də səsləndiririk. Biz təklif edirik ki, ölkədə böyük şəhər bələdiyyələrinin yaradılması və bələdiyyə sədrlərinin birbaşa seçilməsi çox vacibdir.

Bələdiyyə sədrlərinin seçicilər tərəfindən seçilməsi konstution dəyişikliklərdə özünü ehtiva etməlidir. Ümid edirik ki, yaxın zamanlarda belə dəyişikliklər baş verəcək. Bələdiyyə sədrlərinin seçicilər tərəfindən seçilməsi məsələsi doğru istiqamətdir. Ən azından Azərbaycanda qardaş Türkiyə modelinə yaxın bir bələdiyyə modelinin qurulmasına ehtiyac var”.

Nərminə UMUDLU
Poliqon.info