ABŞ-ın keçmiş prezidenti Donald Tramp Birləşmiş Ştatların BMT-dəki keçmiş səfiri və Cənubi Karolina ştatının sabiq qubernatoru Nikki Heylini hər zaman müharibəyə başlamaq istəməkdə ittiham edib...
Poliqon-nun məlumatına görə, siyasətçi bildirib ki, prezidentlik yarışında qalib gələrsə, müharibə qızışdırıcılarıbnı ABŞ-dan qovacaq. Və Nikki Heyli onlardan biridir.
"Nikki də onlardan biridir: Hər yerdə hamını öldürmək və raket istehsalçılarına çoxlu pul qazandırmaq istəyənlərdən biridir", deyə Tramp bildirib.
Tramp xəbərdarlıq edib ki, ABŞ III Dünya müharibəsinə göründüyündən daha yaxındır. O, Yaxın Şərqdəki münaqişəni tənqid edib və prezident olduqdan sonra Ukraynadakı vəziyyəti dərhal həll edəcəyinə söz verib.
Qeyd edək ki, bundan əvvəl ABŞ prezidentliyinə namizəd Donald Trampın Respublikaçılar Partiyasından yeganə rəqibi olan Nikki Heyli mübarizədən çəkilmək niyyətində olmadığını və qələbə qazanmaq istədiyini bildirib.
Yanvarın 21-də keçirilən sorğu göstərir ki, Nyu-Hempşirdə keçirilən praymerizdə Heyli Trampdan 11 faiz geri qalır. Buna baxmayaraq, siyasətçi ən azı bir ay Cənubi Karolinada partiyadaxili Respublikaçılar seçkiləri keçirilənə qədər keçmiş Amerika prezidentinə qarşı yarışdan əl çəkməyəcək.
Nikki Heyli deyib ki, Nyu-Hempşir və Cənubi Karolinada uğurlar qazanacaq. O, insanların onu qiymətləndirməməsinə öyrəşdiyini də qeyd edib.
Poliqon.info