Avropa İttifaqı əmindir ki, “yaxın bir neçə həftə ərzində” Kiyevə yardımla bağlı razılığa gələ biləcək...
Poliqon xəbər verir ki, bu barədə Politico qəzeti mənbələrə istinadən məlumat yayıb. Nəşr qeyd edir ki, bu, Macarıstanın etirazlarına baxmayaraq baş verə bilər.
Qəzet yazır ki, Aİ ölkələrinin Macarıstana daimi olaraq şantaj imkanı verəcəkləri çox da inandırıcı görünmür.
Nəşrin mənbələrinə görə, Budapeşt Kiyevə yardıma yenidən veto qoysa, Aİ Macarıstanı müvəqqəti olaraq Avropa Şurasında səsvermə hüququndan məhrum edə bilər.
Qeyd edək ki, dekabrın ortalarında Macarıstanın Baş naziri Viktor Orban Aİ-nin 2024-2027-ci illər üçün büdcəsinə Ukraynaya 50 milyard avro ayrılmasını nəzərdə tutan düzəlişləri əngəlləyib. Orban bunun müqabilində ölkəsinin maliyyə təminatına qoyulan vetonun aradan qaldırılmasını istəyib.
Poliqon.info