ABŞ Nümayəndələr Palatasının spikeri Conson Ayova ştatında Trampın qələbəsini alqışlayıb...
ABŞ-ın keçmiş prezidenti Donald Tramp Respublikaçı seçicilərin Ayova ştatında keçirilən praymerizdə səslərin çoxunu qazanıb..
Poliqon xəbər verir ki, partiyanın internet saytında yayılan ilkin nəticələrə görə Tramp açıq ara ilə ilkin seçkilərin lideri olub. Bu, Respublikaçılar Partiyasından prezidentliyə namizəd seçmək üçün ölkənin ilk səsverməsidir. Nümayəndələr Palatasının spikeri Mayk Conson nəticələri partiyanı birləşməyə yaxınlaşdıracaq “həlledici və tarixi qələbə” adlandırıb.
40 mindən çox səsin hesablanmasından sonra ilkin nəticələrə görə, Donald Tramp səslərin 50,8 faizini, Florida qubernatoru Ron DeSantis 21,3 faizini, ABŞ-ın BMT-dəki keçmiş daimi nümayəndəsi Nikki Heyli - 19,2 faizini, iş adamı Vivek Ramasvami 7,6 faizini qazanıb. Digər üç namizəd isə 1%-dən az bal toplayıb.
Donald Tramp öz qələbəsini CNN, NBC və Fox News telekanallarına təsdiqləyib.
“Bir neçə dəqiqədən sonra çox layiqli rəqibləri məğlub etdiyimi elan etmələri böyük şərəf olacaq” deyə eks-prezident bildirib.
Qeyd edək ki, tərəfdarların (kakus) toplantıları Respublika Partiyasının partiyadaxili seçkilərinin birinci mərhələsidir. Növbəti mərhələ əyalət hökumətləri tərəfindən təşkil edilən praymerizlərdir. Namizəd irəli sürülmək üçün nümayəndələrin yarıdan çoxunun dəstəyini almalıdır.
Poliqon.info
Digərxəbərlər
Populyar xəbərlər
