Türkiyə və BMT ərzaq ehtiyacı olan ölkələrə çatdırılması üçün təkliflər paketi hazırlayır...
Poliqon xəbər verir ki, bu barədə “RİA Novosti” Agentliyi danışıqlarda iştirak edən Ankaradakı mənbəyə istinadən məlumat yayıb. Mənbənin sözlərinə görə, Ankara bu mövzuda Moskva ilə də əlaqə saxlayır.
“BMT bizimlə koordinasiyada ehtiyacı olan ölkələrdə ərzaq probleminin həlli üçün bir sıra təkliflər hazırlayır. Zaman-zaman texniki müstəvidə danışıqlar və razılaşmalar aparılır”, deyə Agentliyin adını açıqlamayan həmsöhbəti bildirib.
“Taxıl müqaviləsi”ni ilkin formada bərpa etməyin mümkün olub-olmaması ilə bağlı suala mənbə bunun çox çətin olduğunu bildirib.
“İndiki şəraitdə, döyüşlərin davam etdiyi bir vaxtda bu, bu çox çətindir. Amma Ankaranın səyləri davam edir”, deyəmənbə əlavə edib.
Qeyd edək ki, Rusiya 2023-cü il iyulun 18-də şərtlərini yerinə yetirmədiyini iddia edərək, taxıl sazişindən çıxıb. Sentyabrda BMT-nin Baş katibi Antonio Quterreş Rusiyanın xarici işlər naziri Sergey Lavrova müqavilənin bərpası təklifləri ilə məktub göndərib. Lakin BMT-nin sazişi canlandırmaq səyləri heç bir nəticə verməyib.
Poliqon.info