Polşa prokurorluğu parlament binasında Hanukka şamlarını yanğınsöndürən balonla söndürən millətçilər və avroskeptiklərin "Konfederasiya" koalisiyasının deputatı Qreqor Brauna qarşı cinayət işi açıb...
Poliqon xəbər verir ki, bu barədə prokurorluğun nümayəndəsi məlumat verib.
"Varşavanın rayon prokurorluğu öz səlahiyyətlərinə uyğun olaraq deputatın iştirakı ilə dünən Seymdə baş vermiş hadisələrlə bağlı işi araşdırmağa başlayıb", deyə rəsmi şəxs bildirib.
Prokurorluğun nümayəndəsi aydınlıq gətirib ki, hazırda prosessual hərəkətlər, o cümlədən sübutların toplanması prosesi gedir.
Bir gün əvvəl Polşa Seymində millətçilərin və avroskeptiklərin "Konfederasiya" koalisiyasından olan üzvü Qreqor Braun parlament binasındakı Hanukka şamlarını yanğınsöndürən balonla söndürüb.
Qeyd edilir ki, Qreqor Braun Hanukka şamları ilə bir neçə menora yaxınlaşıb və onları yanğınsöndürən balonla söndürüb. Eyni zamanda, o, Hanukka şamlarının yandırılmasının "şeytani" olduğunu və "Polşa Seymində baş tuta bilməz" deyib. Nəticədə Seym dəhlizi boyunca tüstü yayılıb.
Qeyd edək ki, Hanukka eramızdan əvvəl 200-cü illərdə Yerusəlimin yəhudilər tərəfindən Selevkilər İmperiyasından geri alınması şərəfinə 2200 ildir qeyd olunan yəhudi bayramıdır. İbrani təqvimi ilə Kislev ayının 25-dən başlayaraq 8 gün 8 gecə davam edir. Qriqorian təqviminə görə, ən tez noyabrın sonunda, ən geci isə dekabrın ortalarında baş verir.
Poliqon.info