Britaniya Hərbi Dəniz Qüvvələrinə məxsus “Trident 2” ballistik raketləri daşıyan “Vanqard” sinfinə aid nüvə sualtı qayığı dərinlikölçənlərindən birinin nasazlığı nəticəsində az qala batırmış...
Poliqon xəbər verir ki, bu barədə Britaniyanın “The Sun” tabloidi məlumat yayıb. Nəşrin məlumatına görə, sualtı qayıqda 140 nəfər heyət üzvü olub.
“The Sun” yazır ki, Britaniya sualtı qayığı Atlantik okeanında patrul xidmətinə hazırlaşarkən dərinlik sensorları sıradan çıxıb. Nəticədə sualtı qayıq az qala “təhlükə zonasına” daxil olub. Sualtı qayığın arxa tərəfində olan mühəndislər ikinci dərinlikölçəndən istifadə edərək, cihazda nasazlığı görüblər və həyəcan siqnalı veriblər.
Nəşr “təhlükəsizlik baxımından” hansı dalış dərinliyindən və sualtı qayıqdan bəhs etdiyimizi dəqiqləşdirməyib. “The Sun”un Hərbi Dəniz Qüvvələrindəki mənbəsi Britaniya komandanlığının hadisə ilə bağlı araşdırmaya başladığını bildirib.
“Biz əməliyyatları şərh etmirik. Bizim sualtı qayıqlarımız milli maraqları qoruyaraq bütün dünyada yerləşdirilməyə davam edir”, deyə “The Sun”un həmsöhbəti vurğulayıb.
Qeyd edək ki, Böyük Britaniyada cəmi dörd “Vanguard” sinifli nüvə sualtı qayığı var. Onların hamısı “Trident” nüvə ballistik raketləri ilə silahlanıb. Dörd sualtı qayıqdan yalnız ikisi hazırda fəliyyətdədir.
Poliqon.info
Digərxəbərlər
Populyar xəbərlər
