Neytral İsveçrənin silahları Ukraynaya necə keçib? - Araşdırma aparılır

Poliqon xəbər verir ki, bu barədə AFP agentliyi məlumat yayıb.

Materialda bildirilir ki, Bern neytral statusa malik olduğuna görə ondan alınan silahların başqa dövlətlərə satılmasını qadağan edib. Bunun üçün İsveçrənin xarici tərəfdaşları ölkə hökumətinin razılığını almalıdırlar.

"Bu iş araşdırılır. Araşdırma davam etdiyi müddətdə şərh edilməyəcək", deyə agentlik nazirliyin bəyanatından sitat gətirir.

Eyni zamanda, nəşrin müəllifləri vurğulayıblar ki, özəl təşkilatlar hərbi texnikanın təkrar ixracı ilə bağlı bəyannamə imzalamaq məcburiyyətində deyillər. Hımçinin, Kiyevə İsveçrə silahı satmaqda şübhəli bilinən Polşa şirkətinin nümayəndələri bu vəziyyətin "narahatedici olmadığənı və heç bir normanın pozulmadığını" bildiriblər.

Şirkət işçilərinin sözlərinə görə, bütün sövdələşmələr və əməliyyatlar hərtərəfli yoxlamadan keçir. Üstəlik, nəzarət birbaşa Polşa hökuməti tərəfindən həyata keçirilir.

Təşkilat nümayəndələri İsveçrə silahlarının Ukraynaya satılması ilə bağlı məqalə yazan amerikalı jurnalisti də məsuliyyətə cəlb etmək istəyini bildiriblər. AFP materialında vurğulanır ki, şirkət hazırda məhkəməyə müraciət etmək üçün hüquqi əsasları öyrənir.

Noyabrın əvvəlində Amerikanın "Defense One" nəşri Ukrayna hakimiyyətinin silah ixracına qoyulan qadağadan yan keçərək İsveçrədə istehsal olunan 600 mindən çox sursat aldığını bildirib. KİV-in məlumatına görə, müqavilə 2023-cü ilin iyulunda Polşa idxalçısının vasitəçiliyi ilə bağlanıb.

Poliqon.info