Çin dövlətlərarası münasibətlərə yanaşmasına görə Rusiya və Ukrayna arasında vasitəçi roluna digər ölkələrlə müqayisədə daha uyğundur...
Poliqon xəbər verir ki, bu fikri “RİA Novosti” Agentliyinə müsahibəsində Humanitar Dialoq Mərkəzinin icraçı direktoru Devid Harland deyib.
Ekspert hesab edir ki, Qərb ölkələrinin əsas problemi digər ölkələrin daha çox onlara bənzəməsini istəmək kimi “çox dərin ənənəyə” malik olmasıdır. Lakin Harlandın fikrincə, indi beynəlxalq siyasətdə elə bir məqam yaşanır ki, bir çox ölkələr bunu istəmirlər.
“Məncə, bu, bir çox ölkələr üçün olduqca çətindir. Mən Çin tarixi üzrə böyük mütəxəssis deyiləm, lakin mən düşünmürəm ki, çinlilər Tanzaniya, Yeni Zelandiya və ya Rusiya kimi ölkələrin daha çox Çin kimi olması gərəkdiyini heç vaxt düşünməyiblər”, deyə Harland bildirib.
Ekspertin sözlərinə görə, Çinin yanaşması indi mövcud olan qeyri-sabit beynəlxalq sistem üçün daha uyğundur.
Poliqon.info