Suriyadakı iki Amerika bazası yenidən pilotsuz təyyarələrlə hücuma məruz qalıb...
Poliqon xəbər verir ki, bu barədə Al Mayadeen telekanalının məlumatında bildirilib. Xəbərə görə, əvvəllər İraqdakı Amerika bazalarına dəfələrlə hücum edən və İrana bağlı olan İraq “İslami Müqaviməti” Hərəkatı hücumun məsuliyyətini öz üzərinə götürüb.
Hərəkat Suriyanın şərqindəki “Əl-Ömər” neft yatağı yaxınlığındakı ABŞ hərbi bazasına, həmçinin Həsəkə vilayətinin cənubundakı Əl-Şəddadidəki bazaya hücum edib. Bundan bir qədər əvvəl ABŞ və Qərb koalisiyasının sərhəddəki Əl-Tanf qəsəbəsindəki bazası və onun yaxınlığında yerləşən Əl-Rukban qaçqın düşərgəsinə hücum edilib.
İraq “İslam Müqaviməti” Hərəkatı hesab edir ki, orada Suriya müxalifətinin silahlı qüvvələri var. Oktyabrın 23-ü bazar ertəsi səhər Suriyanın şimal-şərqindəki Əl-Malikiyadakı aviabaza və Deyr əz-Zor əyalətindəki Koniko qaz yatağı yaxınlığındakı ABŞ hərbi bazası da hücuma məruz qalıb. Şiə yaraqlıları hücumların uğurlu olduğunu bildiriblər.
Poliqon.info