BMT Təhlükəsizlik Şurası İsrail və Qəzza zolağı arasında atəşkəslə bağlı Rusiyanın humanitar qətnaməsinə səs verməyib...
Poliqon xəbər verir ki, qətnamə layihə beş ölkədən dəstək alıb, dörd dövlət buna qarşı çıxıb, altı dövlət isə bitərəf qalıb. ABŞ sənədi dəstəkləməkdən imtina etməsini HƏMAS-ın hərəkətlərini pisləməməsi ilə izah edib.
“Qətnamə layihəsi lazımi sayda səs toplamadığı üçün qəbul edilmədi” deyə Təhlükəsizlik Şurası sədri, Braziliya səfiri Sercio França Danese bildirib.
Rusiya, Çin, BƏƏ, Qabon və Mozambik sənədi dəstəkləyib. ABŞ, Böyük Britaniya, Fransa və Yaponiya qətnaməyə qarşı çıxıb. Albaniya, Braziliya, Qana, Malta, İsveçrə və Ekvador bitərəf qalıb.
Qətnamə layihəsində “dərhal, davamlı və tam müşahidə oluna bilən humanitar atəşkəs”ə çağırış təklif edilib. Bu qətnamə həmçinin “mülki əhaliyə qarşı bütün zorakılıq və düşmənçilikləri, eləcə də bütün terror aktlarını qətiyyətlə pisləməyi” təklif edib.
Poliqon.info