Hazırda Meksika ilə cənub sərhədində vəziyyətə görə terrorçuların ABŞ-a girməsi asanlaşıb...
Poliqon xəbər verir ki, bunu Fox News telekanalının aparıcısı Laura İnqrem bildirib.
İnqrem qeyd edib ki, 11 sentyabr terror aktlarından əvvəl Vaşinqton kimin ölkəyə buraxılması barədə çox düşünmürdü və əcnəbilərin viza ilə bağlı qalma müddətlərinin və məqsədlərinin yerinə yetirilməsinə nəzarət etmirdi.
"22 ildən sonra terrorçular uzun viza prosesləri və ya keçmiş yoxlamalar barədə narahat olmayacaqlar. Onlar ölkəyə rahat şəkildə daxil ola biləcəklər", deyə aparıcı bildirib.
İnqrem onların ABŞ-Meksika sərhədində sadəcə Rio Qrande çayını keçə biləcəklərini vurğulayıb.
Qeyd edək ki, uzun müddətdir ABŞ-da Respublikaçılar və Demokratlar arasında Meksika sərhəddində təhlükəsizliklə bağlı fikir ayrılıqları var. Müxalifət hökumətin Ukraynadan daha çox öz sərhədlərinə nəzarət etməli olduğunu düşünür. Bu səbəbdən müxalifət yeni mövsüm üçün ölkə büdcəsini təsdiqləməyib.
Poliqon.info